Хрыстовы Золак (1927)/Суседу

← Хрэст Ісуса Хрыста

Суседу Верш Аўтар: Міхась Ключановіч 1927 год

Гэй, гэй! →

Іншыя публікацыі гэтага твора: Суседу (Ключановіч).

Прапануем да спампаваньня!

XXVIII. СУСЕДУ.

Суседзе, ты дужы, ты б’ешся з братамі,
Й мяне ты змушаеш на бойку крываву.
Суседзе, хоць можа пайду я, часамі,
З табою, але каб змагацца за справу

Чужую, чужую істоце маей
Ня буду, ня буду, ніколі з табою:
Люблю, як цябе, я ўсіх роўна людзей—
Дык біць іх ня будзеш маею рукою.

Пінск. 11 верасьня 1922 г.