Хрыстаматыя беларускае літэратуры. ХІ век—1905 год/Я. Чачот/Да мілых мужычкоў

← А. Рыпінскі

Да мілых мужычкоў Верш Аўтар: Ян Чачот 1922 год

Покуль сонца ўзыдзе… →

Іншыя публікацыі гэтага твора: Да мілых мужычкоў.

Прапануем да спампаваньня!

ДА МІЛЫХ МУЖЫЧКОЎ.

Ды і я-ж вам памагу
Песеньку сьпяваці;
Ды й я-ж міжы вамі ўзрос
Пры бацьку і маці.
І мне Бог на сьвеце даў
Гора гараваці,
Штобы лепш я вас любіў
І ўмеў спагадаці.
Ой, што-ж вы напелі тут,
Ды якога дзіва!
Шкода, што на голас ваш
Старонка драмліва.
Але, як прачхнецца з сна
Гэта дабрадзейка,
Пэўна, будзе слухаць вас
Лепш, як салавейка.
..............
Благасла́віць будзе Бог
Ў каморы, аборы;
І ня будзе такі люд
Бясьсільны, як хворы.
Ой, каб колісь нам дажыць
Да такой паправы,
То-б запеў-бы з вамі я,
Што нам Бог ласкавы!