Усім патроху… (1930)/Падзел працы

← Гульня

Падзел працы Верш Аўтар: Анатоль Дзяркач 1930 год

Няўдалы хабар →

Іншыя публікацыі гэтага твора: Падзел працы (Дзяркач).

Прапануем да спампаваньня!

ПАДЗЕЛ ПРАЦЫ

Задрамаў Алесь на печы,
Зьеўшы кашы з талакна,
А Міхась шаруе плечы
Каля самага вакна.

Бацьку холадна у сьпіну,
Хата выстыла даўно,
І стары гаворыць сыну:
„Зачыні, Міхась, вакно!“

А Міхась на печ рукою:
„Хай Алесь — не зачыню,
Бо я-ж заўтра раніцою
Сьвіней ў поле паганю!“