|
Выезд любімага намі наркома,
Любімага Кліма, з крэмлёўскіх варот —
Святочным салютам, як рокатам грому,
Вітае вялікі совецкі народ.
І голасам радаснага народу
Гучыць пераможна прысяга байцоў.
Крыляе кастрычніцкі сцяг пяцігодак,
Як мужнасць і кліч барыкадных баёў…
З трыбун маўзалея парад маладосці
Ўрачыста прымае таварыш Урад,
Парад абароны, парад пераможцаў, —
Чырвонае арміі грозны парад!
Праносіцца конніца волатаў-танкаў,
І шумам танкетак заліты прастор,
І нават праменні на аўта-тачанках,
Нібы першамайскага сонца дазор.
І поступам шквалу ідзе баявая
Нязрушнай сцяной маладая Масква,
Ідзе, наступае, і песня ўзлятае
Над краем магутнасці і хараства.
І ў дружбе братэрскай ідуць карнавалам
На сход красавання жыцця і вясны —
Лясы Беларусі і скалы Урала,
І стэп Украіны, і стэп Ферганы.
І крыллямі рэжучы сінюю трасу,
На штурмы высотаў плывуць караблі,
Плывуць дэлегаты рабочага класа —
Надземных совецкіх граніц патрулі.
Чоткая чутна работа матора,
Бясстрашны ў палёце пілот малады.
Хай чуе,
Хай знае,
Хай лютуе вораг, —
Сталінізованы нашы рады!
Май 1933 г.
|
Прапануем да спампаваньня!