Узброеныя песні (1936)/Дружба/Алазанская ноч

← Раніца

Алазанская ноч Верш Аўтар: Іло Масашвілі 1936 год Пераклад: Андрэй Александровіч

Граніца →

Іншыя публікацыі гэтага твора: Алазанская ноч (Масашвілі/Александровіч).

Прапануем да спампаваньня!

АЛАЗАНСКАЯ НОЧ

З грузінскай паэзіі

Плывуць з Алазані туманы,
Дождж прайшоў над касматай травою.
Пастушок падышоў к Алазані,
Як алень падышоў к вадапою.

Алазань засвітала зарніцай,
І скаціна прайшла па дубравах,
Каб у чорную ноч праваліцца,
Каб ноч горная — стала праявай…

Топча быдла і травы, і кочкі,
І зялёнае даляў аблічча.
Ноч сузорная сцелецца ў вочы,
Ночка горная зорамі кліча.

Вось бычок, нагуляўшыся, змоўкнуў,
Ён да рэчкі спяшаецца, жвавы.
Гэтай ноччу клычастага воўка
Куляй гнаў пастушок кучаравы.

Ён сядзіць і кінжал навастрае,
Бурку ўскідвае ўзбураны вецер.
Пад чангуры пастух распявае
Пра дзяўчыну найлепшую ў свеце!

Ноч мінала туманам, як дымам,
І аўчарка так пільна, так дбала —
З агнявымі, як сонца, вачыма
Сон свайго пастуха пільнавала…

Іло Мосашвілі