Творы (Александровіч, 1932—1933)/1/I/Першамайская

Першамайская
Верш
Аўтар: Андрэй Александровіч
1933 год

Іншыя публікацыі гэтага твора: Першамайская (Александровіч).

Прапануем да спампаваньня!

ПЕРШАМАЙСКАЯ

Дзень Першамая —
заводаў і фабрык!
Дзень Першамая —
бязьмежных палёў!
Сьвята вялікае…
Сонечнай фарбай
сьцелецца радасьць
бальшавікоў!

∗

Дэмонстрацыя
сонцам авіта.
Сонца — лёзунг.
Вясна — плякат.
На сьвяточны зьбіраюцца мітынг
колёны рабочых брыгад.

∗

— Крок за крокам
дружна, з верай,
сіла працы ўперад!
Раз!
Гэта песьня заводаў шэрых
на вітаньні была ў адказ.

∗

Май шчасьлівы, май зялёны,
колькі радасьці стазвоннай
ты прынес сям‘і рабочай.
Ты, як сьветач, цёмнай ноччу
шлях паказваеш мільёнам.

∗

Новых дзён жыцьцё будуем,
радасьць нашая — крыляй!
Слухай песьню баявую
Пролетарскі Першы Май.

1925 г.