Творы (Александровіч, 1932—1933)/1/I/Ленінская песьня

← Устаноўка

Ленінская песьня Верш Аўтар: Андрэй Александровіч 1933 год

Два сьветы →

Іншыя публікацыі гэтага твора: Ленінская песьня (Александровіч).

Прапануем да спампаваньня!

ЛЕНІНСКАЯ ПЕСЬНЯ

Сталёвым поступам жыцьця
Мы творым дні нястрымнай лявай.
Ўзьнімайся вышай, працы сьцяг!
Вялікай будучыне — слава!

Сілай магутнай, паводкай усьпененай,
зьнішчым сьлед прошласьці:
з намі сьцяг Леніна!
З песьняй шматструннай
ў бой за комуну,
Ў бой!
Грамадой!

І дзень і ноч гудзі, завод,
ў паход, рабочыя паўстанцы!
І блізка час: сярод балот
пачуем гул электростанцый!

Сілай магутнай, паводкай усьпененай,
зьнішчым сьлед прошласьці:
з намі сьцяг Леніна!
З песьняй шматструннай
ў бой за Комуну,
ў бой!
Грамадой!

І песьня волатаў — машын —
краіны нашай дасягненьне.
Пад сьцягам Леніна — і шыр
сусьвету ўбачыць вызваленьне!

Сілай магутнай, паводкай усьпененай,
зьнішчым сьлед прошласьці:
з намі сьцяг Леніна!
З песьняй шматструннай
ў бой за Комуну,
ў бой!
Грамадой!

1929 г.