Творы М. Багдановіча (1927—1928)/I/III/241

← 240. ⁂ Сёньня дзень у нас сьветлы, радасны

241. ⁂ Я ўсё забыў на сьвеце і ведаю адно Верш Аўтар: Максім Багдановіч 1927 год

242. ⁂ Ах, як сьпявае →

Прапануем да спампаваньня!

ПЭРСЫДЗКІЯ.

---

241.

∗     ∗
∗

Я ўсё забыў на сьвеце і ведаю адно:
Зюлейка маладая, што старае віно.
Я ўжо упіўся ёю, — цяпер віном уп’юся…
Паглядзім, хто хмяльнейшы: Зюлейка, ці яно?

∗     ∗
∗

Празрыстым пакрывалам ты агарнула твар.
Яна — як поўны месяц сярод правідных хмар.
Праглянь, мой месяц мілы, зірні мне ясна ў вочы,
Каб не ляжаў на сэрцы маркотных дум цяжар.

Увагі

241. Пэрсыдзкія. „Я ўсё забыў на сьвеце і ведаю адно“… „Празрыстым пакрывалам ты агарнула твар“… Выдаецца з аўтографу (XI, № 11, 6).