Творы М. Багдановіча (1927—1928)/I/I/29

← 28. Мая душа

29. ⁂ Ціхія мае ўсе песьні Верш Аўтар: Максім Багдановіч 1927 год

30. Романс →

Прапануем да спампаваньня!

29.

∗     ∗
∗

Ціхія мае ўсе песьні, цёмныя, як вугаль чорны,
Але ўсё-ж яны засывецяць, калі я ў агні мучэньня
Іх разжару, распалю;
А як згасьне ён — дык бліснуць, быццам дыямэнтаў зёрны,
Бо абернуцца, застыўшы, ў драгацэнныя каменьні
Ў час, як лягу я ў зямлю.

1910.

Увагі

29. Ціхія мае ўсе песьні… Выдаецца з аўтографу (папка VI, № 25). Напісаны быў, як зазначана аўтарам у рукапісе, у 1910 годзе.