Сярод вуліцы у нас карагод

З пляцоўкі Вікікрыніцы
Jump to navigation Jump to search
Сярод вуліцы у нас карагод
Верш
Аўтар: Максім Багдановіч
Крыніца: http://www.maksimbogdanovich.ru/stories/76.htm



Сярод вуліцы у нас карагод,
Ды не йду я у таночку гуляць.
Як той мак на градзе, красаваць,
Праз красу сваю таварышак злаваць.

Здрадзіць тварык белы бедную мяне:
Толькі міленькае імя назавуць —
Белы тварык разгараецца,
А дзяўчаты усміхаюцца.