Суніцы (1926)/Вясна

← ⁂ (Загаманіўся дзень — шальмец з разорай…)

Вясна Верш Аўтар: Уладзімір Хадыка 1926 год

Жнівень →

Іншыя публікацыі гэтага твора: Вясна (Хадыка).

Прапануем да спампаваньня!

ВЯСНА

Абапёршысь на бярозку,
Месяц крывіцца на вёску,
Муціць змрок начы.

Грукат. Бешаныя хвалі
Ля млына гвалтуюць палі,
Дзіка равучы.

Панатоўпіліся крыгі
Й напіраюць ў ствол сквярыгі
Дупляной вярбы…

Разгулялася паводка!..
Цягне буйства ўва ўсю глотку
Песьню барацьбы.

Шчасьце хвалямі рагоча,
Сэрцы нашыя стукочуць
Разьвясёлы марш.

Вочым мы зямлі аблічча,
Песьціць зрок наш яго й кліча
На жыцьця кірмаш.

Патрулі вяковай грэблі,
Радасьць дзеляць з намі вербы…
Мы з табой ня сьпім.

Не да сну—ён бурай вырван,
У вачох стукоча чырвань:
Мы—жыцьцём гарым!..