Страявы Вайсковы Статут/I
| ← Прадмова | Страявы вайсковы статут Падручнік Аўтар: Віталь Мікула 1943 |
II → |
Прапануем да спампаваньня!
1. Строй — дакладна вызначаны статутам парадак стральцоў і падразьдзелаў для іхнага супольнага разьмяшчэньня, руху і дзеяньняў.
2. Шэраг — стральцы стаяць адзін каля аднаго на аднэй лініі.
3. Трохшэрагавы строй — тры шэрагі стаяць на 80 см. узаплеч адзін за адным. Шэрагі называюцца першым, другім і трэцім. Пры паваротах строю назовы шэрагаў ня зьменьваюцца.
Да дзесяці чалавек строяцца у вадзін шэраг.
4. Рад — стральцы стаяць узаплеч адзін аднаму на 80 см.
Калі ў строю за стральцом першага шэрагу не стаіць стралец узаплеч у другім ці трэцім шэрагу, дык такі рад называецца няпоўным.
Калі выступіць стралец з першага шэрагу, дык ягонае месца займае заплечнік. Пры зьмене фронту у тыл стралец (камандзір) няпоўнага раду пераходзіць у франтовы шэраг.
5. Флангі — Правы канец строю называецца правым флангам; левы — левым. Пры паваротах строю назовы флангаў ня зьменьваюцца.
6. Фронт — кірунак строю, куды стральцы павернуты тварам, правы фланг — з правага боку, а левы — з левага.
7. Шырыня фронту — адлегласьць паміж флангамі строю.
8. Глыбіня строю — адлегласьць ад першага шэрагу (стральца) да апошняга шэрагу (стральца).
9. Водступ — адлегласьць паміж пададдзеламі, (стральцамі) у глыбіню, ад задняга шэрагу (стральца) пярэдняга пададдзелу да першага шэрагу (стральца) задняга пададдзелу.
10. Прамежак — адлегласьць паміж суседнімі аддзеламі, пададдзеламі і стральцамі ўздоўж фронту.
11. Калёна — строй, глыбіня якога большая за ягоную шырыню, або аднолькава з ёю.
12. Галава калёны — пярэдняя частка калёны. Хвост — задняя частка калёны.
13. Разгорнуты строй — пададдзелы разьмешчаны на аднэй лініі ў фроньце (у двух, трох шэрагах або калёнах) на прамежках, вызначаных статутам.
14. Кірунковы — стралец або пададдзел, што ідзе першым у вызначаным кірунку; усе іншыя стральцы або пададдзелы ідуць за кірунковым.
Строй кіруецца праз каманды і загады, якія падаюцца і голасам, сыгналамі, умоўнымі знакамі ды асабістым прыкладам. Для кіраваньня строем камандзір знаходзіцца там, адкуль яму зручней камандаваць і дзе яго могуць бачыць і чуць ўсе стральцы. Каманды падзяляюцца на падрыхтоўную і выканаўную. Побач з гэтым ёсьць каманды, якія азначаюць толькі выкананьне: «устаць», «зважай» і г. д. Падрыхтоўная каманда, аддаецца выразна, голасна і працяжна, так каб тыя, што стаяць у строю, зразумелі чаго патрабуе камандзір. Выканаўная каманда аддаецца пасьля кароткай паўзы за падрыхтоўнай голасна, адрывіста і энэргічна.
15. Загад — ёсьць выражэньне волі камандзіра вусна, пісьмова або умоўным знакам. Загад павінен быць заўсёды выкананы дакладна.
16. Каманда — вуснае выражэньне волі камандзіра, Каманда выконваецца зараз-жа пасьля яе адданьня і адначасна, калі яна скіравана да групы стральцоў.