Гэта старонка не была вычытаная
„Ці тая дарога,
Ці ня тая?“
Сам сябе, нябога,
Ёй пытае.
Дзе ты ходзіш, Паўлючок,
Гэтак позна?..
Ну, ну, годзі!.. маўчок.
Выпіць можна!
Пі, але розум май,
Меру, браце,
І парадак трымай,
Вядзі ў хаце!
Чалавек-жа з цябе
Ой, гаручы!
Кожны д‘ябал скубе,
Гад сьмярдзючы!
Не адзін-жа такі
Ты на сьвеце.
Плюнь, Паўлюк! Паўлюкі
Пацярпеце!
Ды чаго мне цярпець?
Што цярпеньне?!.
Ша, Паўлюк: ня дурэць ―
Тут каменьне!
Ой, глядзі, там раўкі…
Стой ты, морда!..
Не, Паўлюк не такі,
Ідзе цьвёрда!
Не ўпадзе, не ўпадзе,
Хоць і вып‘е.
