Гэта старонка не была вычытаная
ТАРЭСЯ
Не палохай, не палохай,
Шлюндра ты і замазоха!
Не махай мне кіем!
Распусьціла губы-трубы!
Як махну, дык зьбярэш зубы
І нятак завыеш!
АЎГЕНЯ
Ах, ты кручаная сука!
З за цябе ўвесь сьвет гарыць.
Гэта ўсё твая навука!
Ўсюды поўзаеш, гадзюка,
Каб каго дзе падкусіць,
Каб цябе нуда кусала,
Каб ты поўзала сама,
Каб спакою ты ня знала
І дзяцей не аглядала,
Каб цябе ўзяла чума!
Каб ты, даў бог, піць маліла,
Сама стоячы ў вадзе,
Каб на горах ты хадзіла,
Ды каб сонца не сьвяціла
У вачох табе нідзе!
ТАРЭСЯ
А каб ты крычала на свой жывот!
Каб табе язык павесілі на гэты плот!
Гарадзілі яго, каб табе загарадзіла вочы!
