Старонка:Zbor t1v2 1928.pdf/71

ПОКЛІЧ

Гэй, чулыя сэрцам! гэй, душы жывыя!
Ідзеце вы долю каваць!
Ёсьць у вас сілы, яшчэ маладыя,
Ёсьць у вас крыльлі лятаць!

Але сьцеражыся: балотная бросьня
Іх кожную хвілю сачыць,
А гнільлю зацягне — душа не ўваскрэсьне,
Ўгару над зямлёй не ўзьляціць.

Вы чуеце хваляў жывых набяганьне?
Прыгледзьцеся: новыя дні
На вас пазіраюць у іскрах сьвітаньня,
І сьвецяць другія агні.

Сьпяшайцеся, брацьці, расою халоднай
Ваш твар выразьлівы абмыць
І дух той гаючы палёў, нівы роднай
У градзі чым больш захапіць.

Але памятайце: на вашым сумленьні
Ня сплачаны доўг векавы:
То доўг прад народам, то доўг разуменьня,
Якое зачэрпалі вы