Гэта старонка была вычытаная
41 2-е відма.
На, і ўчыцеся ахвоты
Шанаваць закляцьця сплёты.
Сядзьце роўна і пакорна:
Як калоды — так праворна,
Як у пні клін — так свабодна,
Як дамоўкі — так выгодна.
Ад граніцы да граніцы
Страж мая тут — паляўніца.
Дум згасіце ўсе праявы;
Цемра тут закон і права!
Таварыш 3-го відма, (кабета).
Ад усходу да ночы
Так шла ў постаці звінна —
Смольлю пот лез у вочы,
Хоць круці — кашуліна.
А тут платы за многа
Кажуць, хоць гэтак мала…
Наце! што-ж? ваша змога,
Наша дзе не прапала.
3-е відма (з насьмешкай).
Вось табе падмога ў працы
Па скарб лезьці у палацы,
Дабівацца ў валадарства
Цёмна-ночнаго мацарства.
Сядзьце квола, асьцярожна;
Гляньце там, тут а трывожна, —
