Гэта старонка не была вычытаная
Жартуеш здарма ты,
Наклаўшы ламоў...
Я траплю да хаты,
Я траплю дамоў!
(Ідзе далей).
Русалкі, (выбегшы, разам).
І не наш, і ні чый, -
Так сабе чэлавек.
1-я русалка.
Для спачынку яму
Я прыдумала лек.
2-я русалка.
І мне ведама ўжо.
3-я русалка.
Знаю я. Як не знаць?
Усе тры, (разам).
Вось тут на кургане
Яго ўложым мы спаць.
(Чэпляюцца ізноў валасамі за сукі і калышуцца).
Ха-ха-ха! Сёньні ўжо
Ён ня выйдзе атсюль.
Гу-ля-ля, гу-та-та!
Гу-та-та, гу-та-туль!
1-я русалка.
Ах, успомніла я
Сваё ў летку жыцьцё;
Пільнавала тады
Я за вёскай жытцо.