Старонка:Rodnyje zierniaty (1916).pdf/61

sonce zajdzie? U jakoj staranie ŭschodzić i ŭ jakoj zachodzić u nas sonce? Jak hetyje starony nazywajucca? Ci zaŭsiody sonce uschodzić na adnym i tym samym miejscy? Jakije raboty robiać u nas wiasnoj u poli? Čamu robiać hetyje raboty?

Jawar i kalina.

Pieśniaj wiasny lebiadzinaju
Skinuŭšy zimnije čary,
Šepčecca Jawar s Kalinaju
Ŭ sumnaj dalinie nad jaram.
Liściki zieleniaj chwalacca
Niebu paniatliwaj mowaj;
Rosami myjucca ranicaj,
Pieściacca soncam paŭdniowym.
Zachadam modły pakornyje
Z matkaj ziamloj atpraŭlajuć;
Tajna u nočeńku čornuju
Miesiaca, zor wyhladajuć.
Słuchajuć śmiechoŭ rusalčynych,
Łopatu krylloŭ načnicy,
Wietru pawiewoŭ apjančenych,
Pluskatu čystaj krynicy.
Čujecca muzyka dziŭnaja
Ŭ powieściach sonnych imšaraŭ…
Ciešycca Jawar s Kalinaju,
Skinuŭšy zimnije čary.

Jak pory hodu ŭpływajuć na raśliny i źwieroŭ.

My wiedajem, što raślinam patrebna wada, ciapło i soniečnaje światło. Strawu raśliny dabywajuć s pawietra i ziamli. Zwieram hetak sama patrebna wada, strawa, i bolšaja čaść z ich lubiać soniečnaje światło. Bolšaja čaść żwieroŭ kormicca raślinami, ale jość mnoha i takich, što kormiacca druhimi źwierami.