Старонка:Nashy dni 1937.pdf/98

ПЕСНЯРАМ СОВЕЦКАЙ ЗЯМЛІ

Мы расчынім вам дзверы гасцінна
І сустрэнем, як родных сваіх,
Ды на покуць, як быць і павінна,
Вас пасадзім, гасцей дарагіх.

У прыязнай і шчырай бяседзе
Падагулім здабыткі свае,
Што зрабілі і мы і суседзі
І чаго яшчэ нам не стае.

Мы — сям‘я маналітнай краіны,
Дзе Советы трымаюць стырно.
Нам, як дзень, нашы ясны пуціны,
На ўвазе-ж мець будзем адно:

Для радзімы свае складаць песні,
Як нідзе і ніхто не складаў,
Каб спявала іх з намі сумесна
Па ўсім свеце адна грамада.