Гэта старонка не была вычытаная
У вясёлках,
У блісканні
Заірдзела
Увосень ранне
У агністых,
Палкіх словах
Прамяністасць
Далеч новых.
У бунтарскай завірусе
Быў ратунак
Беларусі.
Край вышаў з цёмных нетраў
У подыхах віхуры,
Ачысціла паветра
Кастрычніцкая бура.
∗
∗ ∗ |
Замоўкнуў звон хаўтурны
На старых капліцах,
Забурлілі бурна
Новыя крыніцы,
Загулі заводы,
Трактары ў калгасах
Гімны пра паходы
Рабочага класа.
