Гэта старонка не была вычытаная
Прымі-ж прывітанне ад вольнай краіны
Працоўны Іспанскі народ!
Жалезнай кагортай з‘яднанай сябрыны
На ворагаў дружна ўпярод!
∗ ∗
∗ |
Эх, словы! чаму вы
Не віхар, не гром?
Пастроіў-бы вам я
З паветра паром,
Падняў-бы высока
У смутную сінь,
Мінуўшы прасторы
Чужых далячынь.
Праз горы і моры
Пранёс-бы я вас
Над Навалькарнера,
Мадрыд, Ільескас.
І з высей блакітных
Дажджом агнявым
На голавы-б рушыў
Забойцам ліхім.
Каб знішчыў дашчэнту
Ваш бурны палёт
Наёмнікаў Рыма
І Гітлераў зброд…