Гэта старонка не была вычытаная
Воля перамогі,
Водблескі зарніцы,
Аб якіх не сніў.
На зямлі раскутай
Веснавым напевам
Носяць шум вятры —
Сказ, нідзе нячуты,
Радасць-неспадзевы,
Новыя дары.
І шуміць мне вецер
Роднае краіны,
Як вяшчун-баян:
„Пройдзе Май па свеце
Зорнаю пуцінай,
Разагнуўшы стан.
Няхай вар‘яцее
Гітлер цемрашалы
І яго хаўрус:
Май вясною вее,
На пагост зімшалы
Сцеле ім абрус!“
Ходзіць вецер долам
Лёгкаю паходкай
І вядзе свой бай:
„Пройдзе май вясёлы
Шумнаю паводкай
Пераможны Май“!
Веснавым напевам
Па зямлі раскутай
Носяць шум вятры:
