abo adnaho budzie nienavidzieć, a druhoha budzie lubić, abo adnaho trymacca budzie, a druhim pahardzić. Nia možacie słužyć Bohu i mamonie. Dziela hetaha kažu vam: nia turbujciesia ab dušy vašaj, što budziecie jeści, ani ab ciele vašym, u što adzienieciesia. Ci-ž duša nie važniejšaja za ježu, a cieła nie važniejšaje za adzietak? Pahladziecie na ptušak niabiesnych, što nia siejuć, ani žnuć, ani ŭ humny źbirajuć, a niabiesny Ajciec vaš kormić ich. Ci-ž vy nia šmat važniejšyja za ich? A chto z vas svaim starańniem moža dadać da svajho rostu adzin łokać? I ab adzieńni čaho turbujeciesia? Pahladziecie na palavyja lilei, jak jany rastuć: nie pracujuć, ani praduć. A ja kažu vam, što i Salamon uva ŭsiej svajej słavie nia byŭ tak adzieŭšysia, jak adna z ich. Kali-ž palavuju travu, što siańnia jość, a zaŭtra budzie ŭkinuta ŭ pieč, Boh tak adziaje, naskolki-ž bolš vas, małaviernyja! Dyk nia turbujciesia i nie kažecie, što budziem jeści, abo što budziem pić, abo ŭ što adzieniemsia? Bo ŭsiaho hetaha staranna šukajuć pahanie dy j Ajciec vaš viedaje, što ŭsio heta vam patrebna. Dyk šukajcie pradusim Božaha Vaładarstva i jahonaj spraviadlivaści, a heta ŭsio budzie vam dadadziena.
(Mat. 6, 24—33).
