Перайсці да зместу

Старонка:Kazimier Swajak. narysy ab jahonaj ideolohii.pdf/50

З пляцоўкі Вікікрыніцы
Гэта старонка была вычытаная

Hej budujcie: maje ludzcy,
Žyćcio nowaje naŭkruh,
Nawat sonki chaj pračnucca —
Chto nia worah — budzie druh.

Sapraŭdy, ad hetyh Swajakowych socyjolohična-ideolohičnych preludyjaŭ tak i wieje zdarowaj demokracyjaj, wysnutaj z samaha nutra biełaruskaj pryrody i jejnaj patreby. Praŭda, u hetych jaho słowach čuwacca nawat notki całkom wyraznyja zdarowaha radykalizmu, ale ab rewalucyi balšawickaj, jakuju ŭbačyli u Swajaka Sulima i asabliwa A. Nawina — niama tam i spaminu.

Ale idziom dalej, dyk spatkajem u Swajaka jašče niešta nowaje, bolš wyraznaje ŭ hetym kirunku. Woś wierš „Šlacham ciarnistym“ paświačany, jak widać, adnamu z tawaryšaŭ ksiandzoŭ biełarusaŭ. U hetym wieršy Swajak, wykazaŭšy pryčynu warožaści mnohich u našym krai da kožnaj biełaruskaj prajawy, asabliwaž u žyćci kaścielna-relihijnym i zaachwociŭšy swajho siabru da wytrwałaści za światuju sprawu, sam urešcie da henych worahaŭ zwaračwajecca z nastupnymi sławami:

Narod byŭ asobna, twaryŭ swaju siłu,
Kultury nia mieŭ a twaryŭ,
A wy mimawoli kapali mahiłu,
Bo duch waš z raskošy ŭžo hniŭ…

Wy wiedajcie dobra, čaho nam patreba ―
Nam treba ziamlu mieć swajej,
My chočam paprostu dastacca da nieba,
A nie mima panskich dźwiarej.

Tamaš światy piša, što zbytak ad strawy,
Ad rečy kaniečnaj u žyćci
Iści maje biednym, a jnačaj — krywawy
Zładzieja nazoŭ tre‘ niaści.