Старонка:Hołas dušy (1934).pdf/226

Što ŭ Sakramencie bačučy hetym,
Serca raście nam radaści świetam.

Tabie my, Boža, ciapier śpiawajem,
Pierad Taboju korna ŭpadajem,

Prosiačy łaski Twajej wiačystaj,
K niebu ŭkazać nam darohu čystu.

|}

III. Pad Twaje prychodzim dźwiery.

Pad Twaje prychodzim dźwiery
Ščyrym sercam, poŭny wiery:
Što pad widam skryty chleba
Ty jość Boh praŭdziwy z nieba.

Zrazumieć nam trudna heta,
Kab Syn Božy — Zbaŭca świetu
Až tak skryŭsia ŭsim na dziwa
I ŭ Hostyi žyŭ praŭdziwa.

Miłaść Boha zajaśnieła,
Jak zmianiŭ chleb ŭ swajo Cieła —
Nam astawiŭ pažywaci,
Kab praz heta nas zbaŭlaci.

Nieśmiarotny, mocny Boža,
Zrazumieć Ciabie chto moža?
Ty dla hrešnych sprawiadliwy
I dla dobrych miłaściwy.