— 27 —
Za karotki čas swajej pracy Rada atrymała čyślennyje zajawy ab pryznańni jaje za jadynuju predstaůnicu Biełarusi, — u tym liku ad Ukrainskaj Narodnaj Respubliki, Turkiestanu i inš. Adnak rabotanad wypracawańniem konstytucii Biełaruskaj Respubliki spyniałasia s pryčyny wostraj kolizii miž Radaj i bolšewickimi ůłaściami.
Zrušenaja biełaruskaja palityčnaja myśl rasła i krapčeła. 24 marca 1918 h. Rada Biełaruskaj Narodnaj Respubliki, wybranaja Usiebiełaruskim zjezdam 30 śniežnia 1917 h. i dapoŭnienaja členami „Biełaruskaj Wajskowaj Rady“, ziemstw, miest i nacionalnych mienšaściej, na plenarnym zasiedańni pastanawiła abwieścić niezaležnaść Biełaruskaj Respubliki i wydać stasoŭnuju ustaŭnuju hramatu.
Ustaŭnaja hramata da narodaŭ Bielarusi.
U časie usieświetnaj wajny, što buryć adny mocnyje dzieržawy i asłabaniaje druhije, adbudziłasia Biełaruś da dzieržaŭnaho žyćcia. Paśla troch s pałowaju wiakoů niawoli iznoŭ na ŭwieś świet kaže biełaruski narod ab tym, što jon žywie i budzie žyć. Wialiki Narodny Zbor — Usiebiełaruski Zjezd 5—17 (st. st. śniežnia 1917 hodu, dbajučy ab doli Biełarusi zaćwierdziŭ na jaje ziemlach respublikanski ład. Wypaůniajučy wolu Zjezdu i baroniučy dzieržaŭnyje prawy narodu, Spaůniajučy Kamitet Rady Zjezdu hetak pastanaůlaje ab dzeržaŭnym ustroju Biełarusi i ab prawoch i wolnaściach jaje hramadzian i narodaŭ:
1. Biełaruś u rubiažoch razsialeńni i ličebnaj pierewahi biełaruskaho narodu abwieščajecca Narodnaju Respublikaj.
2. Asnoůnyje zakony Biełaruskaj Narodnaj Respubliki zaćwierdzić Ustanoůčy Sejm Biełarusi, sklikany na asnowach ahulnaho, roůnaho, patajemnaho i praporcionalnaho woborčaho prawa, nie žwažajučy na poł, narodnaść i relihiju.
3. Da času, pakul źbiarecca Ustanoůčy sejm Biełarusi, zakonadaůčaja ůłada ŭ Biełaruskaj narodnaj Respublicy naležyć, Radzie Usiebiełaruskaho Zjezdu, dapoŭnienaj predstaŭnikami nacionalnych mienšaściej Biełarusi.
4. Spaŭniajučaja i administratyŭnaja ŭłada ŭ Biełaruskaj Narodnaj Respublicy naležyć Narodnamu Sekretarjatu Biełarusi, jaki naznačajecca Radaju Zjezdu i pierad jeju trymaje atwiet.
