Usich Światych ŭ Wilni, ks. Zyhmunt Lewicki da Ostraj Bramy, ks. Michał Piotroŭski z Mosara na wikaraho da Sokołki, ks. Fel. Mingin na wik. da Franciszkanoŭ ŭ Hrodni, ks. Teodory Żylinski na mansionara da Franciszkanaŭ ů Hrodni, ks. Feliks Kaczmarek sa Swiru na wikaraho da Holszan, ks. Stanisłaŭ Mikulski z Holszan na wikaraho da Oszmiany, ks. Ksawery Bobroŭski z Oszmiany na parocha da Mikieleŭszczyny, ks. Zyhmunt Miłkoŭski z Trok na wik. da Swira, ks. Stanisłaŭ Filmanowicz z Drui na wikaraho da Bernardynaŭ ŭ Hrodni.
Pieramieny u duchawienstwi Żmudzkaj dyjec.
Pa zahadu Wysoka-Prewielebnaho biskupa ks. Cyrtoŭta stalisia pieramieny: ks. kanonik Franciszak Landzberg pa prośbie uwalniajecca ad abawiazkaŭ parocha ŭ Surwiliszkach, a na jaho miejsca naznaczan Surwialiski wikary ks. Skorupski. Wikary z Retowa ks. Krzyżanowski pasyłajecca na 2 miesiacy na wikaraho ŭ Chwejdany, ks. Gajdis z Chwejdanoŭ pieranosicca na swojo miejsce na wikaraho ŭ Szwekszni.
Pieramieny u archidyjecezii Mohylouskaj.
Pa zahadu Jaho Wysoka-Prewielebnaści ks. Mitrapolity ks. doktar Wojcicki naznaczany profesaram ŭ Duchownaj Akademii, a ks. Białohołowy spawiednikam ŭ Siminarii.
Sprawa ks. Jurszana.
Na dniach wilenska sudnaja pałata razhladała sprawu ks. Kazimira Jurszana z Nowahrudka, abwinawaczanaho ŭ tym, szto pryniaŭ da kaścioła katalickaho niepoŭnaletniaju i daŭ joj szlub s katalikom
Pałata utwierdziła pryhawor minskaho suda, pa katoramu ks. Jurszan maje zapłacić 25 rub. kary, ci adsiadzieć 7 dzion ŭ aryszci.
Jak ksiandzy majuć adbywać kary.
Szmat hubernataroŭ zwiarnułosia da ministra ŭnutrennich sprawaŭ s pytańniem, jak majuć adbywać karu tyje ksiandzy, szto pryhaworeny ŭ aryszt administracyjnym paradkam. Ministar daŭ taki atkaz, szto takije ksiandzy majuć adbywać karu nia ŭ klasztory, jak było dahetul, ale ŭ turmach — u addzielnych pakojach.
Pierszaja rasiejskaja imsza św. u Rymi.
5 śnieżnia, ŭ kaścieli św. Saby ŭ Rymi była adpraŭlenna praz ajca Serhija Werihina parocha rasiejcaŭ katolikaŭ, św. imsza ŭ rasiejskim abradzie. Rasiejskaja parochija maje ni wialikuju cerkaŭku św. Wawrzyńca.
Rasiejcy-kataliki zachawali ŭsio toje, szto maje prawaslaŭna cerkwa, tolki szto Haławoj Cerkwi liczać Papieża.
U Rasiei — takaja samaja cerkoŭ dla katalikoŭ-rasiejcaŭ jość ŭ Piecierburzie.
Szto czuwać.
Hasudarstwen. Duma.
U Hasudarstwiennaj Dumie rabota mała kratajecca i dla nas — biełarusoŭ niczoha cikaŭnaho nima. Pa praŭdzi każuczy, hetaho treba było i spadziewacca: niaŭmieli my wybrac swaich predstaŭnikoŭ, katoryje rupilisia-b ab naszych sprawach.
∗
∗ ∗ |
Cikaŭna tolki toje, szto pieradwybarnaja kampanija, jakaja wiałasia ŭsiudy, jak widać krychu pośliznułasia. Prawasłaŭnyje duchoŭniki, katorych staralisia jak maha bolsz ucisnuć ŭ Dumu, nia ŭsie pakazalisia pakornymi służkami i nie pajszli tej darohaj, jakoj chacieli i dumali pawieści ich zahadczyki. Pierszym niepasłusznikam, katory nie zachacieŭ prystać da prawych deputatoŭ, znajszoŭsia archirej Nikan, katoraho za heta jaho naczalstwa — Synod, pierakidywaje na służbu ŭ samuju hłusz — Jenisiejskuju huberniu. Niekatoryje duchoŭniki prawasłaŭnyje straszenna hetym abureny, i każuć, szto ich czekaje heta samaja ścieżka.
∗
∗ ∗ |
U m. Popielanach, Kow. hub. i akolicy paczynaje usio bolsz i bolsz szyrycca wospa; u karotkim czasie było 7 prypadkaŭ śmierci. U szkołach pryszczepka wospy zakonczana, a żychary szczepiać jaje sabie i dzietkam.
Wiiejka, Wilejskaho paw. Pa zahadu rady pry ministry ŭnutrennich spraŭ addali pad sud wilenskaj sudnaj pałaty ziemskaho naczalnika 6-ho ŭczastka Ridihiera za rastratu kazionnych hroszy.
Dzwinsk, Witebskaj hub. 23 studnia sielanin wioski „Nowy Takary“ — Tamasz Demidoŭ pajechaŭ s susiedami da kazionnaho lesu rubić kuplonyje drowy, adno dzierawa upało i prybiło jaho da śmierci.
