Гэта старонка была вычытаная
40. ТРАВАЧКА-МУРАВАЧКА
Травачка-муравачка
Рассцілаецца, у-у-у…
Мой мілы ў дарожаньку
Сабіраецца, у-у-у…[1]
З усімі суседзямі
Ён прашчаецца,
Са мной, краснай дзевачкай,
Не расстанецца:
— Прашчай, прашчай, дзевачка,
Прашчай, жысць мая.
Праважу я мілага
Аж да Кіева.
А ў горадзе Кіеве
Станавіліся,
Вараныя конікі
Прытаміліся.
Уся аграмадачка
Удзівілася,
Чыя ж гэта парачка
Разлучылася:
Ці муж з жаною,
А ці брат з сястрою,
Ці добры маладзец
З краснай дзевіцай?
41. А НА ДВАРЭ ВЕЧАР ВЕЧАРЭЕЦЬ
А на дварэ вечар вечарэець,
Маё сэрца па дзяўчонцы млеець,
Яно ныець, занываець.
Прывяжу я каня к тычыне,
А сам пайду да краснай дзяўчыны:
- ↑ Кожны другі і чацвёрты радок куплета загукваюць.