Гэта старонка не была вычытаная
282. На гранай нядзелі
На гранай нядзелі
Русалкі сядзелі,
Ой, рана-рана,
Русалкі сядзелі.
Халадок капалі
Да й не выкапалі,
Ой, рана-рана,
Да й не выкапалі.
Толькі выкапалі
Баравую ветку,
Ой, рана-рана,
Баравую ветку.
Баравая ветка
Ні красна, ні ясна,
Ой, рана-рана,
Ні красна, ні ясна.
Што й крашчы таго
Адарка у бацькі,
Ой, рана-рана,
Адарка у бацькі.
Па двару хадзіла,
Бацькаў двор красіла.
Ой, рана-рана,
Бацькаў двор красіла.
На ганкі уступіла,
Ганкі асвяціла,
Ой, рана-рана,
Ганкі асвяціла.
283. Ходзіць русалка па вуліцы
Ходзіць русалка па вуліцы,
Заве Пятрышчу к сабе на гулі:
— Хадзі, Пятрышча, ка мне на гулі.
