Гэта старонка не была вычытаная
184. Юр’я, Юр’я па полі ходзіць
ВЫЯВА
Юр’я, Юр’я па полі ходзіць,
Юр’я, Юр’я да бога просіць:
— Урадзі, ўрадзі жыта-пшаніцу,
Пабі, пабі кукаль-мятліцу.
Падай, падай ключы і замкі
Адамкнуці неба і зямлю.
Выпусціці цёплую росу
І на жыта, і на пшаніцу.
Будзе ў корні караністаю,
Ўсерадзіне ды сцяблістаю.
А на полі выжаністаю,
А із поля вывазістаю.
А у гумне выкладзёнаю,
А у млыне вымялёнаю.
А у дзяжы падыходнаю,
А у печы выпячонаю.
А на стале сытна спорнаю,
Нашым людзям на здароўечка.
