яшчэ мукі, якія чакаюць і яго пасьля сьмерці. Гэтае апавяданьне складае другі разьдзел апокрыфу, нявыпісаны Брукнэрам.
Трэці разьдзел падае ён цалкам (л. 146). У гэтым разьдзеле апісваюцца мукі грэшнікаў у вялізнай яме, напоўненай гарачымі вугольлямі пад жалезным вярхніком і інш. Выпішам гэты разьдзел поўнасьцю.
«Егда жъ поидоша посполу, отидоста, не имѣюще жадное свѣтлости, нежли отъ ангела. И пріидоша до долу прелишь грозного a велми темного. А тотъ бяше велми глубокій а полнъ горящого углія; а на томъ долу покрывало желѣзное толстотою на десять локоть, а то своею горкостію примогаше.[1] Ту бяше отъ того покрывала такій смрадъ, ишто бяше душа терпѣла всѣхъ мукъ, премогалъ тотъ смрадъ. А въ тотъ долъ грозный, что подъ покрываломъ, идяху много души грѣшныхъ; а на томъ желѣзномъ покрывалѣ горящемъ паряху ихъ, якобы оскварокъ въ панви.[2] Съ того со всего еще бяше наигорше, иже скрозе то покрывало пѣдяху тіи грѣшныя души, яко воскъ скрозе платъ цѣдятъ. А опять тамъ ся обновляху во огни къ мукамъ.
Тогда ангелъ къ души рече:
«Та мука есть вражебниковъ[3] приготована, отцовъ а брати а инымъ тымъ, которыи же даремно поволнѣ враждуютъ дѣломъ.[4]
И рече ангелъ: «По той тя муцѣ поведу до большихъ. А ты, какъ же былъ еси враждебникъ, обаче того не будешь терпѣти».
Потомъ пріидоша къ горѣ вельми великой а прелишь къ грозной. А ту бяше путь велми узкый съ единое страны тое горы. И съ тое горы плацоташе[5] огонь (зъ) смолы а зъ сѣры, а смрадный а прелишь темный; а зъ другое страны снѣгъ съ ледомъ а вѣтръ велми силно великый.
На той же то горѣ было есть полно катовъ бѣсовъ съ пламенными греблы, съ удинами желѣзными о трехъ розѣхъ вельми острыми, ими жъ то души давяху[6], который хотѣли чересъ ту гору проити, и вторгаху[7] ихъ въ тыи мукы, а по хвили увращаху ихъ въ огонь и опять зася въ мукы.
- ↑ Паводлуг лацінскага тэксту гэта мела азначаць, што ад вярхніка быў большы жар, чымсь ад самых гаручых пад ім вугольляў;
- ↑ скаварадзе (пачэску й польску — panew);
- ↑ палацінску — homicitarum, (пачэску — vražebnik);
- ↑ палацінску — vel facto vel consensu;
- ↑ выбухаў, (пачэску — p‘apotali);
- ↑ хапалі за шыі (лац. ingulabant);
- ↑ валаклі (лац. — trehebant.
