Гэта старонка была вычытаная
Перабег дарогу
Заяц разы два;
Груган закружыўся,
Гукнула сава.
З трывогай друг к дружцы
Маладыя льнуць…
Каб хаця ім, бедным,
Злых прыгод мінуць!
VIII
Вечар. Ціха ў вёсцы,
Раптам грук такі!
Гоман. Коняй ржаньне,
Бразгаюць званкі.
Ўехала дружына, —
Той цьвяроз, той п‘ян, —
Сходзяць маладыя
На белы дыван.
Выслана да хаты
Сьцежка палатном,
Ідуць маладыя
За ручку ўдваём.
Бацька з маткай века
Ад дзяжы дзяржыць,
А на ім — гарэлка,
І хлеб-соль ляжыць.
Музыка марш грае,
Аж трасецца пол.
Пад векам дружына
Йдзе ў хату за стол.
IX
Малады на куце
Ўсеўся з маладой,
Побач — асыстэнты
Падрад чарадой.
П‘юць, ядуць, гамоняць,
Смутку ані-ні,
