Гэта старонка не была вычытаная
Адзін коні пасе,
Гоп-я!
Другі лапці пляце…
Пачуўся з боку пажару гоман і крык: „дзяржы моцна!“ „бі колькі ўлезе!“
ПАДРОСТАК
прыслухаўшыся, ускаквае
Цяпер, жонка, давай драла,
А то, каб не перапала
І табе, і мне таксама.
Выбягаюць абое.
ДЗЯЎЧЫНКА і ХЛОПЧЫК
бягучы за вар‘яткай з плачам
Дзе наш татка? мама, мама!
Увальваецца гурмам куча людзей, валакучы і тузаючы Сама.
САМ
Хоць зарэжце — ўсё мне роўна:
На начлезе быў сягоньня.
Пламя ўзгледзеўшы з папару,
Ратаваць бег ад пажару…
Я ня вінен, хоць зарэжце…
1-ы ГОЛАС
з грамады.
Лжэ, сабака, праўду бэсьце:
Конь згарэў яго у хлеве.
САМ
Хоць павесьце тут на дрэве.
На начлезе…
1-гі ГОЛАС
перапыняючы
А з сякерай,
Зьвёўшы хаты, ў воласьць мерыў?