Гэта старонка не была вычытаная
Конь прыпаў да травы
І са смакам скубе:
Вельмі голадзен быў —
А я шась так сабе!
Паказвае.
А конь скок! ды на ўцёк
Ува ўсе капыты.
А яздок аб зямлю…
Ўстаў, паплёўся ў кусты.
Адну толькі нагу,
Як калеку, валок,
А я ў хохат, у сьмех…
Такі сьмешны быў скок.
УСЕ ТРЫ
разам
Ах, як сьмешна было!
Ну яна, ну сям‘я!
Гу-ля-ля, гу-та-та!
Гу-та-та, гу-ля-ля!
1-я РУСАЛКА
Але-ж дзе, але дзе
Гэты наш маладзён?
2-я РУСАЛКА
Мы тут пелі сабе,
А на сьцежку ўзбрыў ён.
3-я РУСАЛКА
Не яму пуціну
Ў гэтай пушчы знайсьці.
УСЕ ТРЫ
разам
Пушча наша для нас —
Яе нашы пуці.