Гэта старонка не была вычытаная
СТАРЫЯ
Хоць там будзе ў іх гулянка,
У бядзе нам не паможа,
Бо за намі сьледам гора.
УСЕ
Ой, за намі сьледам гора!
Па хвілі
Дык вясёлы, дык ахвочы
Дзень сягоньня хай нам будзе!
Заўтра знова дзень рабочы
І пазаўтра дзень рабочы.
Посьле йшчэ ў цяжэйшым трудзе,
Посьле йшчэ ў цяжэйшым трудзе.
Дык вясёлы, дык ахвочы
Дзень сягоньня хай нам будзе!
СЦЭНА ДРУГАЯ
ТЫЯ-Ж і НЕКАЛЬКІ СЯЛЯНАК
СЯЛЯНКІ
Паніч добры! ён бяз думы
На вясельле спросіць кумы.
СТАРЫЯ
Ой, дзяўчаткі, ой, кабеткі!
Ловіць вас паніч у сеткі
СЯЛЯНКІ
Бо паніч даброці рэдкай…
Гладкі гэткі, ўкладны гэткі.
СТАРЫЯ
О, прыкладны, добры ў слове,
Гладкі з твару, як панове —
Ой, кабеткі!
