Старонка:Янка Купала. Збор твораў (1925–1932). Том 4.pdf/210

АКТ III

На вёсцы ў Януша.

Паміж другім і трэцім актам праходзіць месяц.

Гарыстая і скалістая вясковая аколіца; вечарам на захадзе сонца. З аднаго боку гледачоў высунуты рог карчмы, каля якой сядзяць на лаве некалькі гараняў і гаранак; некалькі сядзіць на горах і скалах. Іншыя ўваходзяць з другога боку. Чуваць здалёку няшпорны (на вячэрню) звон.

СЦЭНА ПЕРШАЯ

ХОР СЯЛЯН

Па вячэрні у нядзелю,
Покуль сонца сьвеціць ясна,
Добра думку разьвяселіць,
Бо дзень цэлы сходзіць ў поце.
Хай-жа сьвята падахвоціць,
Каб забыці крыўды ўласнай!

МОЛАДЗЬ

Вось паніч з сваёй багданкай
К нам прыедуць мабыць скора,
А як будзе ў іх гулянка,
Дык і нас успомняць можа.