Старонка:Янка Купала. Збор твораў (1925–1932). Том 4.pdf/189

АКТ I

У горадзе ў доме стольніка.

Бакавая заля; у глыбі трое высокіх шкляных дзьвярэй, якія вядуць на агарод; з аднаго боку ад гледачоў відаць прыадчыненыя дзьверы да балёвай залі, з другога — стол, за якім бяседуюць госьці і смольнік. Дземба, клапочучы, напаўняе келіхі. З балёвай, ярка асьветленай залі іншыя госьці выходзяць парамі палёнэза і кружацца па залі.

СЦЭНА ПЕРШАЯ

СТОЛЬНІК, ДЗЕМБА і ХОР ГАСЬЦЕЙ

ДЗЕМБА

Хай жывуць нам маладыя.
Ў дзень заручын іх вітаем.
Хай як галубочкі тыя
Вечна любяцца наўзаем.

То-ж бо лучацца кляйноты,
Два адвечнай славы цноты
У вадно звычаем даўным:
Адравонжа ды з Памянам.

ХОР

Віват! Віват! маладыя!
Каб дзянькі век залатыя
Вам рунелі, як руно.