Старонка:Янка Купала. Збор твораў (1925–1932). Том 4.pdf/135

НА ПАПАСЕ

Вясеньняя ноч. Непадалёк ад гасьцінца — хвойнік. Тры падарожныя зьбіраюць гальлё

1-шы ПАДАРОЖНЫ

прыносячы галіну

І пуста-ж, пуста ў гэтым лесе!
Нідзе галінкі не найсьці;
Вось тут абсохні і сагрэйся,
Найдзі дарогу ў бяспуцьці.

А помню, ўсё было іначай:
Папас тут меў ты, як папас;
Нічога воз гальля ня значыў,
Агонь ня зводзіўся, ня гас.

2-гі ПАДАРОЖНЫ

кідаючы сук

Цьфу! Каб ты ўсё пайшло тут прахам!
Ну, і галоцяць людзі лес:
Па сук і то з вялікім страхам
На хвойку чуць я, чуць узьлез.

Яшчэ паўгода, год, і будзе
Бяз бліску вогнішча начлег,
Ня раз, ня два хтось блудам зблудзе
Усякай погані на сьмех.

2-ці ПАДАРОЖНЫ

кідаючы лазіну

Вось вам дубец лазы лазою!
З карэньня выдзер як ё ўсю;
Змарыўся, змогся, чуць устою,
Каб толькі, выкрасіць агню.