Гэта старонка не была вычытаная
Лётчык кіруе на дым,
Што сьцелецца чорнай
Істужкай…
Шугнула полымем
Салома —
Дзе быў уздым!..
— Над полем мы —
Аэродромам…
Прыемны ахапляе страх…
Матор галосіць…
Нізка!
Нізка!
Нізка!
Гаручы бэнзын бліскае!
Тр-р-ра — та — та — тах!..
Зямлю цалавалі калёсы…
— Таварыш лётчык! Як прыгожа
Ляцець было ў блакітнай высі,
Калі вяшчун за хмарай віўся
І шлях шукаў для падарожжа!
