Гэта старонка не была вычытаная
Маці псам сказала:
«Цюценькі, за што?»
Цюцькі завілялі
Раз і два хвастом.
І не далі жару
Жабракам яны.
Горш сабак жандары,
Горш сабак паны.
Гаспадар са стрэльбай
Выскачыў і сам.
«Я не дам вам хлеба —
Лепш я кіну псам!
Грэх прасіць задарма! —
Злосна крыкнуў ён. —
Напісаў на браме
Я такі закон».
Мы аб камень ногі
Дзёрлі да крыві.
З хутара-бярлогі
Ледзь мы уцяклі.
