Гэта старонка не была вычытаная
ЛЕГЕНДА
Да гадавіны БССР.
Вось сёньня мне
ўсплыла на памяць
легенда старая, што я калісьці у народзе чуў.
А слухаў я яе з запалам пачуцьця,
канца я не чакаў яе…
Я ёй аддаўся быў увесь
і разважаў
пасвойму я аб ёй.
Яе я прыраўняў да нас, да Беларусі, —
і вышла, што старая фінікійская
легенда
яшчэ і сёньня сымболь мае свой
ў жыцьці народаў сьвету ўсяго.
Так слухайце-ж яе!
І жыў,
— даўным-даўно вось гэта была, —
на ўсходзе поўдня цар Аллон.
Меў царства моцнае сваё.
Народ у паслухмянстве быў…
А цар крывёю жыў народу.
Штодня зьядаў ён сем
з свайго народу ціхага асоб,
— бо сем галоў ён меў…
У царстве тым асілак жыў —
каваль звычайны, просты, грубы…
