Гэта старонка не была вычытаная
VIII.
Сьняжок на прадвесьні
Вуркоча, бяжыць
Зацьвіўшае плесьняй
Ня здолее жыць.
Дарма свае сілы
Зьбірае зіма, —
У друзгах няміла
„Народаў турма“.
Пракляцьце „Расея“
Прапала на век.
Ня страшыць завея
Бліскучых павек.
К трывогам зьнявага,
Разьдзёрта імгла
І творчасьці смага
Агнём праняла.
Шырокаю тропай
Ў час гэты з пакус
На мапу Эўропы
Ўзыйшоў Беларус.
