Гэта старонка не была вычытаная
Плач народа —
Гнеў народа,
Слёзы гневу —
Грозны шквал.
Хай спраўляла непагода
Свой крывавы карнавал, —
Курганы Напалеона
Сталі гнёздамі акоп!
Ноч ахутвала заслонай
Беларускі Перакоп.
∗∗∗
Пад Барысавам палонным,
За Бярозаю ракой,
Войска арміі Чырвонай
Сабірала сілы ў бой.
— Ледзь над лесам сонца ўзыйдзе
Фронт прарваць, нанёсшы ўдар, —
Вырашаў Орджанікідзе —
Палкаводзец-камісар.
Ноч расой паіла кветкі,
Над ракой туман стаяў.
Рапарт пятае разведкі
Ў гэту ноч Серго прымаў.
