УВОДЗІНЫ
У гэтым падручніку мы азнаёмімся з рознымі прадстаўнікамі свету раслін і разгледзім, як яны прыстасаваны да тых умоў, у якіх яны растуць. Мы даведаемся тут, як чалавек вывеў і выводзіць розныя сарты культурных раслін. Мы даведаемся, якое значэнне маюць культурныя расліны ў нашай народнай гаспадарцы.
Далей мы азнаёмімся з рознастайнымі жывёламі і прасочым, як яны прыстасаваны да ўмоў свайго жыцця. Мы даведаемся, якое значэнне маюць многія з гэтых жывёл, напрыклад рыбы, птушкі, звяры для нашай соцыялістычнай гаспадаркі. Мы азнаёмімся таксама і з паходжаннем днашых дамашніх жывёл.
Пасля гэтага мы будзем вывучаць будову і жыццё чалавечага цела. Пры гэтым мы даведаемся, якое ёсць падабенства ў чалавека з жывёламі і ў чым заключаецца адрозненне чалавека ад жывёл. Мы даведаемся і аб паходжанні чалавека.
Усё гэта нам трэба вывучаць для таго, каб правільна разумець прыроду, каб навучыцца авалодваць прыродай і скарыстоўваць яе ў нашым соцыялістычным будаўніцтве. Усе гэтыя веды нам неабходны, каб стаць актыўнымі і свядомымі будаўнікамі нашага соцыялістычнага грамадства.
