Старонка:Творы (Александровіч, 1932—1933). Кніга 1.pdf/15

ЛЕНІНСКАЯ ПЕСЬНЯ

Сталёвым поступам жыцьця
Мы творым дні нястрымнай лявай.
Ўзьнімайся вышай, працы сьцяг!
Вялікай будучыне — слава!

Сілай магутнай, паводкай усьпененай,
зьнішчым сьлед прошласьці:
з намі сьцяг Леніна!
З песьняй шматструннай
ў бой за комуну,
Ў бой!
Грамадой!

І дзень і ноч гудзі, завод,
ў паход, рабочыя паўстанцы!
І блізка час: сярод балот
пачуем гул электростанцый!

Сілай магутнай, паводкай усьпененай,
зьнішчым сьлед прошласьці:
з намі сьцяг Леніна!
З песьняй шматструннай
ў бой за Комуну,
бой!
Грамадой!