Гэта старонка не была вычытаная
Зямля гудзіць!
Зямлі зазыўны гул
ня спутаць дротам меж!
Зямную моц ня зьвяжаш!
Трухлее слуп мяжы…
Гудзіць зямлёй абшар!
Хто думаць стаў
— на катарзе, у засьценьнях.
З грудзей зямлі —
агнём прарвецца вар,
прарвецца вар зямлі!
Зямля дарогі зьменіць!
Была скрыжована вякамі Беларусь!
На захадзе цяпер скрыжованы і дзеці!
Няшкода ўспомніць даўнюю пару,
як мала розьніцы у помніках сталецьцяў.
∗
Няроўны люд зямлі!
Зямлі няроўны шлях!
Жыцьцё супроць жыцьця!
Супроць самоты радасьць!
Як многа на зямлі
людзей на кастылях.
Як многа на зямлі
ахвяр сусьветнай здрады…
Рашучасьць!
Bepa!
Ўпартасьць!
Буралом!
