Старонка:Творы М. Багдановіча (1927—1928). Том I.pdf/270

212.

∗     ∗
∗

Ціхі і сіні блішча над хатай
Неба прастор.
Ціхі гайдае ліпа над хатай
Лісьцяў узор.

Ў небе рахманы, срэбраны голас
Звона гудзіць.
Птушкі маркотнай з дзерава голас
Сумна зьвініць.

Божа мой, божа! Мірна ліецца
Вокал жыцьцё.
Ў горад ад гэтай цішы ліецца
Шумнае ўсё.

Што гэта? Сьлёзы? Што-жа зрабіў ты,
Бледны ад іх, —
Горка паведай, што-жа зрабіў ты
3 дзён маладых?