Старонка:Творы М. Багдановіча (1927—1928). Том I.pdf/202

…passe sans laisser même
Son ombre sur le mur.
V. Hugo.

155.

∗     ∗
∗

Жывеш ня вечна, чалавек, —
Перажыві-ж у момант век!

Каб хвалявалася жыцьцё,
Каб больш разгону ў ім было,
Каб цераз край душы чуцьцё
Ня раз, ня два пайшло.

Жыві і цэльнасьці шукай,
Аб шыраце духоўнай дбай.

І ў напружэньні паўнаты
Свайго шырокага жыцьця
Бяз болю, ціха зойдзеш ты
Ў краіну забыцьця.