Старонка:Суседзі (1932).pdf/9

ГУМОРЫСТЫЯ З МАГІЛЕВА.

Ну і гуморыстаў разьвялося па акругах…

Проста, страх.

І як іх апісаць толькі?

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

У Магілеўшчыне двое хуліганаў зьбілі селяніна Якіменку. Дык вось-жа „божай міласьцю“ гуморыст магілеўскай газэты так апісвае („Мaгілеўскі Селянін“ № 34) гэта здарэньне.

„Савякоў ды Салапаеў
Баламуцяць сьвет.
Яны роўна ўсіх чапаюць,
Хлопцаў і кабет.
Вось зайшлі да селяніна
(Ціхі земляроб)
і як СУКІНАМУ СЫНУ
чыгуном у лоб…“

Таварышы, з магілеўскай радакцыі!

Вам-бы заступіцца варта было-б за чалавека, якога зьбілі, а вы як пабачылі, што зьбілі ціхага чалавека, дык самі нібы, і між іншым, а сукіным сынам яго лаеце…