— Даць пару гэткіх артыкулаў як „Барацьба з сухотамі“ ці „Як змагацца з сабачай старасьцю“, „Структура Наркамздраву“ — і газэта выратавана.
— Ведаеце, розная „яна“ бывае… — ціха сказаў пакрыўджаны мэдыкам літаратар,
— Хто „яна“? — зьдзіўлена запытаўся мэдык.
Ды мэдыцына… калі ў ёй ёсьць гэткія хваробы, як „Структура Наркамздраву“. Не прывядзі госпадзі, з гэткім мэдыкам спаткацца. Залечыць на той сьвет… Мэ-ды-цы-на!..
— Я ўношу вось якую пропозыцыю, — пачаў прадстаўнік Беларускага Дзяржаўнага Тэатру.
— Я прапаную даваць у газэце тэатральныя творы, і газэта будзе выратавана.
Наступіла цішыня.
— Я не дзеля таго, каб гонорар, — гаварыў далей тэатрал.
— Я толькі таму ўнёс пропозыцыю наконт тэатру, бо, як вам невядома, тэатр яднае ў сабе ўсе віды мастацтва.
— Ды слухайце, да чаго ўсе гэтыя вашыя словы, — перабіў тэатральнага прамоўцу прадстаўнік рэдакцыі.
